Signing Ceremony

၂၀၂၄ ခုနှစ်၊ ဧပြီလ (၂၇) ရက်နေ့တွင် "မြန်မာနိုင်ငံ ကွန်ပြူတာလုပ်ငန်းရှင်များအသင်း - Myanmar Computer Industry Association (MCIA)" နှင့် "မြန်မာနိုင်ငံ ဒီဂျစ်တယ် ပုံနှိပ်နှင့် ဆိုင်းဘုတ်လုပ်ငန်းရှင်များအသင်း - Myanmar Digital Printing & Signage Entrepreneurs Association (MDPSEA)"တို့မှ နားလည်မှု စာချွန်လွှာ Memorandum of Understanding (MOU) ကို လက်မှတ်ရေးထိုးခဲ့ပါသည်။

-အဆိုပါ နားလည်မှုစာချွန်လွှာ (MOU)တွင် နှစ်ဖက်အဖွဲ့ဝင် အသင်းအဖွဲ့များအနေဖြင့် မိမိတို့၏ သက်ဆိုင်ရာ အဖွဲ့ဝင်များအကြားပူးပေါင်းဆောင်ရွက်သည့်နယ်ပယ်များ၌ ပိုမိုပြည့်စုံ ကောင်းမွန်အောင် အပြန်အလှန် ဖြည့်ဆည်း ဆောင်ရွက်ပေးရန်၊

-တစ်ဖက်အဖွဲ့ဝင်အသင်း၏ ရည်မှန်းချက်၊ မျှော်မှန်းချက်၊ ရည်ရွယ်ချက်များနှင့်အညီ ဆောင်ရွက်လျက်ရှိသော လုပ်ငန်းနယ်ပယ်အသီးသီးတွင် ပိုမိုအောင်မြင်မှု ရရှိနိုင်‌ရေးအတွက်အပြန်အလှန် ပူးပေါင်းကူညီ ဆောင်ရွက်ပေးကြရန်၊

-သင်တန်းများ၊ ဟောပြောပွဲများ၊ အလုပ်ရုံဆွေးနွေးပွဲများ၊ အသိပညာပေးအစီအစဉ်များ၊ စီစဉ်ကျင်းပခြင်း စသည့် အဖွဲ့အစည်းဆိုင်ရာ လူမှုအကျိုးပြုလုပ်ငန်းများ၊ ဖွံ့ဖြိုးတိုးတက်ရေး လုပ်ငန်းများ၊နည်းပညာဆိုင်ရာ ကျွမ်းကျင်မှုနှင့် အသိပညာ ပံ့ပိုးမှုများကိုအတူတကွ ပူးပေါင်းဆောင်ရွက် သွားကြရန်နှင့်နှစ်ဖက်အဖွဲ့ဝင်များ၏ နည်းပညာကျွမ်းကျင်မှု၊ အသိပညာနှင့် ပြည်တွင်း/ပြည်ပ အဆက်အသွယ်များကို ကူညီ ချိတ်ဆက် ပေးကြရန် စသည့်ဖြင့်ရည်ရွယ်၍

"မြန်မာနိုင်ငံ ကွန်ပြူတာလုပ်ငန်းရှင်များအသင်း- Myanmar Computer Industry Association (MCIA)" ၏ ဥက္ကဌ ဦးအောင်ကျော်မိုး၊အသိသက်သေအဖြစ် ဒုဥက္ကဌ ဦးမျိုးမင်းဦး (MCIA)နှင့် မြန်မာနိုင်ငံ ဒီဂျစ်တယ် ပုံနှိပ်နှင့် ဆိုင်းဘုတ်လုပ်ငန်းရှင်များအသင်း - Myanmar Digital Printing & Signage Entrepreneurs Association (MDPSEA)"၏ ဥက္ကဌ ဦး‌ကျော်စံ၊အသိသက်သေအဖြစ် ဒုဥက္ကဌ ဦးမျိုးမင်းဦး(MDPSEA)မှ လက်မှတ်ရေးထိုးခဲ့ကြပါသည်။

Future of Digital Printing ဟောပြောပွဲနှင့်ပြပွဲများ ကျင်းပပြုလုပ်ခြင်း

မြန်မာနိုင်ငံ ဒစ်ဂျစ်တယ် ပုံနှိပ်နှင့် ဆိုင်းဘုတ်လုပ်ငန်းရှင်များအသင်းမှ ကြီးမှူးကျင်းပသော Future of Digital Printing ဟောပြောပွဲနှင့်ပြပွဲကို ၂ဝ၁၈ ခုနှစ်၊ အောက်တိုဘာလ ၁၃ ရက်နေ့တွင် ရန်ကုန်တိုင်းဒေသကြီး၊ ရန်ကုန်မြို့ရှိ၊ Myanmar Engineering Council ၌ကျင်းပပြုလုပ်ခဲ့ပါသည်။

Future of Digital Printing ခေါင်းစဉ်ဖြင့်ဟောပြောဆွေးနွေးပွဲတွင် ဆရာဦးနေဇော်နိုင်မှ Moderator အဖြစ်ဆောင်ရွက်ခဲ့ပြီး၊ ဦးတင်ဇံကျော် (President and Founder , Device Consulting Group)၊ ဦးသူရိန်ငြိမ်း (Managing Director, Nielsen MMRD-Myanmar) ၊ဦးဇာနည်ဝင်းထက် (Head of Mobile Group, Thai Samsung Electronics, Myanmar Branch)၊ဦးအောင်သူရ (Ignite Marketing Communication Chief Strategist) နှင့် ဦးမြင့်ဇော် (Chairman & CEO of Ground Solution Development Co.,Ltd.) တို့မှ Speaker များအဖြစ် ဆောင်ရွက်ခဲ့ပါသည်။ အဆိုပါပွဲတွင် ပြခန်းပေါင်း ၂ဝ ခန်း ပြသခဲ့ကြပြီး စိတ်ပါဝင်စားသူ ၃ဝဝ ကျော် တက်ရောက်ခဲ့ပါသည်။ အဆိုပါအခမ်းအနားတွင် အသင်းဝင်များကိုစတင်လက်ခံဆောင်ရွက်ခဲ့ပါသည်

Sign Asia Expo (IMPACT Thailand) ပြပွဲသို့ တက်ရောက်ခြင်း

၂ဝ၁၈ ခုနှစ်၊ နိုဝင်ဘာလ ၈ ရက်နေ့မှ ၁၁ ရက် နေ့အထိ ထိုင်းနိုင်ငံ၊ ဘန်ကောက်မြို့၌ ကျင်းပသော “Sign Asia Expo (IMPACT Thailand)” ပြပွဲသို့ မြန်မာနိုင်ငံဒစ်ဂျစ်တယ်ပုံနှိပ်နှင့် ဆိုင်းဘုတ်လုပ်ငန်းရှင်များအသင်းမှ ဒုတိယဥက္ကဋ္ဌ ဦးမျိုးမင်းဦး၊ ဦးမိုးဇော်ဦး၊ အထွေထွေအတွင်းရေးမှူး ဦးသက်လွင်ရွှေ၊ လက်ထောက်အထွေထွေအတွင်းရေးမှူး ဦးအောင်ကျော်ကျော်၊ လက်ထောက်ဘဏ္ဍာရေးမှူး ဦးမိုးခန့်အောင်၊ လက်ထောက်စာရင်းစစ် ဦးခင်မောင်အေး၊ ပြန်ကြားရေးမှူး ဦးကျော်ကျော်၊ အရံအလုပ်အမှုဆောင် ဦးမြလှိုင်ဘွား၊ ဦးရဲမင်းထွန်း နှင့် အသင်းဝင်များတက်ရောက်ခဲ့ပါသည်။

DPES Sign Expo China ပြပွဲသို့တက်ရောက်ခြင်း

၂ဝ၁၉ ခုနှစ်၊ ဖေဖော်ဝါရီလ ၁၉ ရက်နေ့မှ ၂၂ ရက် နေ့အထိတရုတ်ပြည်သူ့သမ္မတနိုင်ငံ၊ ကွမ်ကျိုးမြို့၌ ကျင်းပပြုလုပ်ခဲ့သော “DPES Sign Expo China” ပြပွဲသို့ မြန်မာနိုင်ငံဒစ်ဂျစ်တယ်ပုံနှိပ်နှင့် ဆိုင်းဘုတ်လုပ်ငန်းရှင်များအသင်းမှ ဒုတိယဥက္ကဋ္ဌဦးမိုးဇော်ဦး၊ လက်ထောက်ဘဏ္ဍာရေးမှူးဦးမိုးခန့်အောင်၊ လက်ထောက်စာရင်းစစ်ဦးခင်မောင်အေး၊ အလုပ်အမှုဆောင်ဦးကိုကိုလွင်၊ဦးသက်နိုင်ဝင်း၊ အရံအလုပ်အမှုဆောင်ဦးမင်းမင်းစိုး၊ ဦးမြလှိုင်ဘွားနှင့်အသင်းဝင်များတက်ရောက်ခဲ့ပါသည်။

Future of Digital Printing & Sign Mandalay ဟောပြောပွဲနှင့်ပြပွဲများကျင်းပပြုလုပ်ခြင်း

မြန်မာနိုင်ငံ ဒစ်ဂျစ်တယ် ပုံနှိပ်နှင့် ဆိုင်းဘုတ်လုပ်ငန်းရှင်များအသင်းမှ ကြီးမှူးကျင်းပသော Future of Digital Printing & Sign Mandalay ဟောပြောပွဲနှင့်ပြပွဲကို ၂၀၁၉ ခုနှစ်၊ ဇူလိုင်လ ၂၁ ရက်နေ့တွင် မန္တလေးတိုင်းဒေသကြီး၊ မန္တလေးမြို့တော်ခန်းမ၌ကျင်းပပြုလုပ်ခဲ့ပါသည်။ Future of Digital Printing & Sign Mandalay ဟောပြောပွဲတွင် ဦးတင်ဇံကျော် (President and Founder, Device Consulting Group) (Chairman & CEO of Ground Solution Development Co.,Ltd.), SoSo (Managing Director of Alpha info tech Co.,Ltd.) နှင့် ဦးမျိုးမင်းဦး (Chairman & CEO of Xenon Co.,Ltd.) တို့မှ Speaker များအဖြစ် ဆောင်ရွက်ခဲ့ပါသည်။ ပြပွဲတွင် ပြခန်းပေါင်း ၁၀ ခန်း ပြသခဲ့ပြီး စိတ်ပါဝင်စားသူ ၁ဝဝ ကျော်တက်ရောက်ခဲ့ပါသည်။

Myanmar Digital Printing & Sign Expo 2019 ကျင်းပပြုလုပ်ခြင်း

မြန်မာနိုင်ငံ ဒစ်ဂျစ်တယ် ပုံနှိပ်နှင့် ဆိုင်းဘုတ်လုပ်ငန်းရှင်များအသင်းမှ ကြီးမှူးကျင်းပသော Myanmar Digital Printing & Sign Expo ၂၀၁၉ ကို ၂၀၁၉ ခုနှစ်၊ ဒီဇင်ဘာလ ၆ ရက်နေ့မှ ၉ ရက်နေ့အထိ Yangon Convention Center၌စည်ကားသိုက်မြိုက်စွာ ကျင်းပပြုလုပ်ခဲ့ပါသည်။ ပြပွဲတွင် ဒစ်ဂျစ်တယ်ပုံနှိပ်နှင့် ဆိုင်းဘုတ်ပြခန်းပေါင်း ၁၈ဝ ခန့်ပြသခဲ့ကြပြီး၊ အစိုးရဝန်ကြီးဌာနများမှ တာဝန်ရှိသူများ၊ ပြည်တွင်းပြည်ပမှ စီးပွားရေးလုပ်ငန်းရှင်များ၊ ဧည့်သည်များစုစုပေါင်း ၅ဝဝ ကျော် တက် ရောက်ကြည့်ရှုကြပါသည်။

ငွေဆောင်ခရီးစဉ် သွားရောက်ခြင်း

မြန်မာနိုင်ငံဒစ်ဂျစ်တယ်ပုံနှိပ်နှင့် ဆိုင်းဘုတ်လုပ်ငန်းရှင်များအသင်း၏ဗဟိုအလုပ်အမှုဆောင်များ၊ အလုပ်အမှုဆောင်များနှင့် အသင်းသားများအချင်းချင်း ပိုမိုချစ်ခင်ရင်းနှီးစည်းလုံးညီညွတ်စေရန်ရည်ရွယ်၍ ၂ဝ၂ဝခုနှစ်၊ မတ်လ ၂၁ ရက်နေ့တွင်ငွေဆောင်ကမ်းခြေသို့ သွားရောက်ခဲ့ပါသည်။

ပထမအကြိမ် နှစ်ပတ်လည်စုံအညီအစည်းအဝေးနှင့်အမူဆောင်အဖွဲ့သစ်ပြန်လည်ဖွဲစည်းခြင်း အခမ်းအနား

ပထမအကြိမ် နှစ်ပတ်လည်စုံအညီအစည်းအဝေးနှင့်အမူဆောင်အဖွဲ့သစ်ပြန်လည်ဖွဲစည်းခြင်း အခမ်းအနားကြီးကို အောင်မြင်စွာကျင်းပပြီးစီးခဲ့ပါသည်။ အသင်းကြီးရဲအမူဆောင်အသစ်များနှင့် အသင်း၏ရှေ့အနာဂါတ်လူပ်ရှားမှုများကို အကောင်ထည်ဖော်သွားပါမည်။ အသင်းအတွက် ပါဝင်အားဖြည့်ကူညီခဲ့ကြသော အသင်းဝင်များအားလုံး အထူးပင်ကျေးဇူးတင်ရှိပါသည်။

ဗဟိုအလုပ်အမှုဆောင်များနှင့် အမှုဆောင်များ၏ လစဥ် ပုံမှန်အစည်းအ‌ဝေး မှတ်တမ်းပုံရိပ်များ

Signing Ceremony , between MDPSA and Sign Asia Expo for our future Sign Expo( MEMORANDUM OF UNDERSTANDING )

Sign Asia 2018 ပွဲသို့ တက်ရောက် လေ့လာရေးခရီးစဉ်

MDPSA မှ အဖွဲ့ဝင်များ ထိုင်းနိုင်ငံ၊ ဘန်ကောက်မြို့တွင် ကျင်းပလျက်ရှိသော Sign Asia 2018 ပွဲသို့ တက်ရောက် လေ့လာရေးခရီးစဉ်ကို ၈ -၁၀၊ နိုဝင်ဘာ၊ ၂၀၁၈ က သွားရောက်ခဲ့ကြပါသည်။ ၎င်းခရီးစဉ်တွင် ရန်ကုန်၊ မန္တလေး၊ မုံရွာ၊ ပြည်၊ မြင်းခြံမြို့များ ရှိ အသင်းဝင်ပေါင်း ၅၈ ဦး လိုက်ပါခဲ့ကြပါသည်။ ပြပွဲအပြင် Excellent Sign & Graphic, Tiwanont Sign and RICOH CEC လုပ်ငန်းများသို့ Factory Visit များပါ သွားရောက်လေ့လာခဲ့ကြပါသည်။

မြန်မာနိုင်ငံဒီဂျစ်တယ်ပုံနှိပ် နှင့်ဆိုင်းဘုတ်လုပ်ငန်းရှင်များအသင်း မှကြီးမှူးကျင်းပသော ပထမအကြိမ် “Myanmar Digital Printing & Sign Expo 2019” ပွဲကြီး၏ စာနယ်ဇင်းရှင်းလင်းပွဲ အခမ်းအနား ကျင်းပခြင်း

၂၀၁၉ခုနှစ်၊ ဒီဇင်ဘာလ (၆)ရက်နေ့ မှ (၈)ရက်နေ့ထိ Yangon Convention Center (YCC) တွင် ပထမဆုံးအကြိမ် ကျင်းပပြုလုပ်မည့် “Myanmar Digital Printing & Sign Expo 2019” ပွဲကြီးအား မိတ်ဆက်သည့် စာနယ်ဇင်းရှင်းလင်းပွဲအခမ်းအနားကို နိုဝင်ဘာလ (၂၉)ရက်၊ ၂၀၁၉ခုနှစ် ရန်ကုန်မြို့၊ နတ်မောက်လမ်းရှိ Royal Garden Restaurant တွင် ကျင်းပပြုလုပ်ခဲ့ပါသည်။ ကြော်ငြာဆိုင်းဘုတ် လုပ်ငန်း နှင့် Digital Printing လုပ်ငန်းအားအဓိကအားထား၍ ဆက်စပ်လုပ်ကိုင်နေသော လုပ်ငန်းများနှင့် ကုမ္မဏီများအတွက် တစ်နေရာထဲတွင် လုပ်ငန်းနှင့် ပတ်သတ်သော စက်ပစ္စည်းများ နှင့် Printingဆိုင်ရာလိုအပ်သည့် ထုတ်ကုန်များအား နာမည်ကြီး ထိပ်တန်း ကုမ္မဏီကြီးများမှ မိတ်ဆက်ခြင်း၊ ခင်းကျင်းပြသခြင်း၊ ရောင်းချခြင်းများ အပြင် လာရောက်ပြသသော ကုမ္မဏီများမှ ၎တို့၏ ထုတ်ကုန်များနှင့် စက်ပစ္စည်း ဝန်ဆောင်မှုများကို ရှင်းလင်းတင်ပြကြမည်ဖြစ်ပြီး ဝယ်ယူလိုသော ပစ္စည်းများကိုလည်း ဆွေးနွေးအကြံပေးခြင်းများ ပြုလုပ်သွားမည်ဖြစ်ပါသည်။ ထို့အပြင် ပြပွဲတွင်နောက်ဆုံးပေါ် နည်းပညာ CNC Laser စက်များ၊ Fiber Laser Machine များ၊ UV Inkjet Printer များ၊ Eco Solvent နှင့် Latex နှင့် Dye Sublimation Printer ကြီးများ၊ Digital Press စက်ကြီးများ နှင့် အခြားသော ကြော်ငြာလုပ်ငန်းသုံး ပစ္စည်းများဖြစ်သည့် Signage, LED, SMD, Road Sign, Original Light Box များစွာကိုပါ ပြသပေးသွားမည်ဖြစ်ပါသည်။

“Myanmar Digital Printing & Sign Expo 2019” ပွဲကြီးအားကျင်းပပြုလုပ်ရခြင်း၏ အဓိကရည်ရွယ်ချက် များအနေဖြင့် ကြော်ငြာလုပ်ငန်း လုပ်ကိုင်နေသောလုပ်ငန်းရှင်များနှင့် စတင်တည်ထောင်သည့်လုပ်ငန်းရှင်များအတွက် လိုအပ်သည့် စက်ပစ္စည်းများ၊ ထုတ်ကုန်များကို တစ်နေရာတည်းတွင် အချိန်ကုန်သက်သာစွာဖြင့် တစ်စုတစည်းတည်း ဝယ်ယူရရှိနိုင်ရန်၊ ၎ပွဲကြီးတွင် လာရောက်ဝယ်ယူကြည့်ရှုကြမည့်သူများအနေဖြင့် Special Promotion များ နှင့် Financing အစီစဉ်များ ပါဝင်မည်ဖြစ်ပါသည်။ ထို့အပြင် ကြော်ငြာလုပ်ငန်းနှင့် Printing စက်ပစ္စည်းများ ထုတ်လုပ်သည့် ကုမ္မဏီများအနေဖြင့်လည်း အချင်းချင်းဆက်သွယ်မှုများ၊ ချိတ်ဆက်မှုများ ပိုမိုကောင်းမွန်လာစေရန် သော်လည်းကောင်း၊ လာရောက်လေ့လာ ကြည်ရှုကြသူများ အနေဖြင့်လည်း ဗဟုသုတများတိုးပွားလာစေရန် သော်လည်းကောင်း စသည့်ရည်ရွယ်ချက်များဖြင့်ပြုလုပ်ရ ခြင်းဖြစ်ပါသည်။

၄င်းပွဲကြီးကို ကြော်ငြာဆိုင်းဘုတ် လုပ်ငန်း နှင့် Digital Printing လုပ်ငန်းအား စတင်လုပ်ကိုင်နေမည့်သူများနှင့် Printing လုပ်ငန်းနှင့် ဆိုင်းဘုတ်လုပ်ငန်းအား အပ်နှံနေသောသူများပါ လာရောက်လေ့လာကြည့်ရှုသင့်သော ပွဲဖြစ်ပါသည်။ ထို့ကြောင့် “Myanmar Digital Printing & Sign Expo 2019” ပွဲတော်ကြီးအား လာရောက်ကြည့်ရှုနိုင်ပါကြောင်းခင်မင်ရင်းနှီးစွာ ဖိတ်ခေါ်အပ်ပါသည်။

3rd Networking Event of MDPSEA @Yangon

မြန်မာနိုင်ငံဒီဂျစ်တယ်ပုံနှိပ်နှင့် ဆိုင်းဘုတ်လုပ်ငန်းရှင်းများအသင်း (MDPSEA) အလုပ်အမှုဆောင်များနှင့် အသင်းသားများအားလုံး ခင်မင်ရင်းနှီးမှုရရှိရေးနှင့် အသိပညာများ ဖလှယ်နိုင်ရန် ရည်ရွယ်၍ တတိယအကြိမ် Networking Event ပွဲကို၂၆.၇.၂၀၂၄ရက်နေ့၊ နေ့လည် (၂:၀၀ မှ ၅:၀၀)အထိ ရန်ကုန်မြို့၊Pan Pacific Hotel(Ballroom-2)တွင် ကျင်းပပြုလုပ်ခဲ့ပါသည်။
အသင်းဝင်များအားလုံး အကျိုးရှိစေရန် Digital Marketing Expert ဦးအောင်ခမ်းကျော်အား ဖိတ်ခေါ်၍ ''Digital Marketing Transformation'' ခေါင်းစဥ်ဖြင့် ဟောပြောခြင်း မေးမြန်း ဖြေကြားပေးခြင်း စသည့် အစီအစဥ်ကိုလည်း ထည့်သွင်း စီစဥ်ခဲ့ပါသည်။

အဆိုပါပွဲကို CEC၊ECများနှင့်အသင်းဝင် ဦးရေ(၃၆)ဦး၊ဧည့်သည်တော် (၇) ဦး စုစုပေါင်း (၄၂) ဦး ပါဝင်တက်ရောက်ခဲ့ကြပါသည်။
ပွဲဖြစ်မြောက်ရေးအတွက် ဝိုင်းဝန်းလှူဒါန်းပေးခဲ့သော အလှူရှင်များ၊ တက်‌ရောက်ပါဝင်ခဲ့ကြသော MDPSEA အလုပ်အမှုဆောင်၊ အမှုဆောင်များနှင့်အသင်းဝင်များအားလုံးကို အထူးပင်ကျေးဇူးတင်ရှိပါသည်။

2nd Networking Event of MDPSEA @Mandalay

မြန်မာနိုင်ငံဒီဂျစ်တယ်ပုံနှိပ်နှင့် ဆိုင်းဘုတ်လုပ်ငန်းရှင်းများအသင်း (MDPSEA) ၏ Networking Event ကို ၂၉.၆.၂၀၂၄ရက်နေ့၊ နံနက် (၁၁:၀၀)အချိန် မန္တလေးမြို့ရွှေဘဲစားသောက်ဆိုင်တွင် ကျင်းပပြုလုပ်ခဲ့ပါသည်။
MDPSEA အလုပ်အမှုဆောင်များနှင့် အသင်းသားများအားလုံး ခင်မင်ရင်းနှီးမှုရရှိရေးနှင့် အသိပညာများ ဖလှယ်နိုင်ရန် ရည်ရွယ်၍ Networking Event ပွဲကိုကျင်းပပြုလုပ်ခြင်း ဖြစ်ပါသည်။
အဆိုပါပွဲကို CEC၊ECများနှင့်အသင်းဝင် ဦးရေ (၃၂) ဦး၊ အသင်းတွင်ပါဝင်ရန်အဆိုပြုထားသည့်အသင်းဝင် အသစ် (၁၃) ဦး စုစုပေါင်း (၄၅) ဦး ပါဝင်တက်ရောက်ခဲ့ကြပါသည်။
ပွဲဖြစ်မြောက်ရေးအတွက် ဝိုင်းဝန်းလှူဒါန်းပေးခဲ့သော အလှူရှင်များ၊ တက်‌ရောက်ပါဝင်ခဲ့ကြသော MDPSEA အလုပ်အမှုဆောင်၊ အမှုဆောင်များနှင့်အသင်းဝင်များအားလုံးကို အထူးပင်ကျေးဇူးတင်ရှိပါသည်။

MDPSEA Gathering Dinner

MDPSEAအသင်းသားစုံညီ ညစာစားပွဲကို 16.5.2025(Friday) ကုန်းမြင့်သာ စားသောက်ဆိုင်တွင် ကျင်းပပြုလုပ်ပေးခဲ့ပါသည်။

PRINT-SIGN & ICT EXPO 2025 ပြပွဲ စာနယ်ဇင်း မိတ်ဆက်အခမ်းအနားပွဲ မှတ်တမ်းတင်ခြင်း

PRINT- SIGN & ICT Expo 2025 ကျင်းပပြုလုပ်ခြင်း

မြန်မာနိုင်ငံဒစ်ဂျစ်တယ်ပုံနှိပ်နှင့် ဆိုင်းဘုတ်လုပ်ငန်းရှင်များအသင်း(MDPSEA)နှင့်မြန်မာနိုင်ငံကွန်ပြူတာလုပ်ငန်းရှင်များအသင်းတို့ ပူးပေါင်ကျင်းပသော PRINT-SIGN & ICT Expo ကို ၂၀၂၅ ခုနှစ်၊ မေလ (၁၆) ရက်နေ့မှ (၁၈) ရက်နေ့အထိ Yangon Convention Center၌စည်ကားသိုက်မြိုက်စွာ ကျင်းပပြုလုပ်ခဲ့ပါသည်။

ဗဟိုအလုပ်အမှုဆောင်အဖွဲ့၏ လစဥ်ပုံမှန်အစည်းအဝေး (၁/၂၀၂၅)

MDPSEA အသင်း၏ (၂၀၂၅-၂၀၂၇)သက်တမ်း ဗဟိုအလုပ်အမှုဆောင်အဖွဲ့၏ လစဥ်ပုံမှန်အစည်းအဝေး (၁/၂၀၂၅) ကို (၁၉.၇.၂၀၂၅)ရက်နေ့၊ ည (၇း၀၀)နာရီတွင် "Online Zoom Meeting" ဖြင့် ဆွေးနွေးကျင်းပခဲ့ပါသည်။

"MDPSEA" အသင်း၏ သြဂုတ်လ (၂/၂၀၂၅) ဗဟိုအလုပ်အမှုဆောင်အဖွဲ့၏ လစဥ်ပုံမှန်အစည်းအဝေးကို (၁၆.၈.၂၀၂၅)ရက်နေ့၊ နံနက် (၉း၀၀)နာရီ "Yoon Kitchen"တွင် ကျင်းပပြုလုပ်ခဲ့ကြပါသည်။

အသင်းလုပ်ငန်းစဥ်များနှင့် ဆောင်ရွက်ကြမည့်အစီအစဥ်များအား ဝိုင်းဝန်း ဆွေးနွေးအတည်ပြုခဲ့ကြပါသည်။ အစည်းအဝေး ကို ဗဟိုအလုပ်အမှုဆောင်အဖွဲ့ဝင်များအားလုံး ပါဝင်ဆွေးနွေးခဲ့ကြပါသည်။

"MDPSEA" အသင်း၏ စက်တင်ဘာလ (၃/၂၀၂၅) ဗဟိုအလုပ်အမှုဆောင်အဖွဲ့၏ @လစဥ်ပုံမှန်အစည်းအဝေးကို (၁၃.၉.၂၀၂၅)ရက်နေ့၊ ည (၇း၀၀)နာရီ "Zoom"ဖြင့်ကျင်းပပြုလုပ်ခဲ့ကြပါသည်။

စစ်တမ်းကောက်ယူမှုအခြေအနေများနှင့် ဆက်လက် ဆောင်ရွက်ကြမည့်အစီအစဥ်များအား ဝိုင်းဝန်း ဆွေးနွေးအတည်ပြုခဲ့ကြပါသည်။

"MDPSEA" အသင်း၏ စက်တင်ဘာလ (၃/၂၀၂၅) ဗဟိုအလုပ်အမှုဆောင်အဖွဲ့၏ @လစဥ်ပုံမှန်အစည်းအဝေးကို (၁၃.၉.၂၀၂၅)ရက်နေ့၊ ည (၇း၀၀)နာရီ "Zoom"ဖြင့်ကျင်းပပြုလုပ်ခဲ့ကြပါသည်။

စစ်တမ်းကောက်ယူမှုအခြေအနေများနှင့် ဆက်လက် ဆောင်ရွက်ကြမည့်အစီအစဥ်များအား ဝိုင်းဝန်း ဆွေးနွေးအတည်ပြုခဲ့ကြပါသည်။